مطبخ الاسرة

أخطاء الستات فى المطبخ تعرفي عليها وتجنبيها

أخطاء الستات فى المطبخ تعرفي عليها وتجنبيها ◾اول خطأ انها تسيب المواعين فى الحوض طول اليوم واخر الليل تغسلهم ..
اولا منظر المطبخ بيبقى مش ظريف بالمرة اولا بيؤثر على نفسيتك غير كده عيالك وجوزك ملهمش ذنب فى المنظر المقرف ده .
اتعودى دايما بعد كل وجبة تشطفى الاطباق مش هتاخد منك 10 دقايق ..

أخطاء الستات فى المطبخ تعرفي عليها وتجنبيها

لان ممكن يحصل اى حاجة تعطلك عن غسيلهم باليل ويفضلوا تانى يوم.. او يأتيك ضيوف فجأه او تجيلك زيارة او سفريه هتعملى ايه ساعتها؟!
****
فوط المطبخ
فى ناس بتمسك بيها الحلل او الصواني لما تكون سخنه وهى نفس الفوطو اللى بتمسح بيها الرخامة وهى اللي بتنظف بيها البوتجاز وهى اللى بتجرى عليها وقت ماحاجة تقع الارض
وطبعا بتبقى كلها دهون ولونها اسود ومقرف وممكن تيجي علي الاكل اللي في الحلل والصواني وتعمل تلوث.
لو حبيبتى امكانياتتك متسمحش تشترى فوط جديدة على الاقل الهدوم لما تيجى تستخدميها قصيها شيلى اطرافها كده وخليها على شكل فوطة وخصصى شوية للرخامات وشوية للحلل وشويو للبوتجاز وكل يوم لما تشطبى مطبخك اغسليهم بكالوريوس وبريل وانشريهم وكل اسبوع اديهم غسلة فى الغساله

اخطاء بترتكبها الستات فى المطبخ

****
الخلاط والكبة والمفرمة الخ …
فى ناس للاسف لما بتستخدمهم وايديهم فيها بصل او بهارات او لحمة بتروح ترجعهم تانى ماكنهم عادى ويمر اسبوع اسبوعين يبقى منظرهم يخض تلزيق وسواد وزيوت ومغبرين وحالتهم حاله تقرف وتبقى محتارة تنضفهم ازاى ؟
الحل انك بعد كل استخدام بفوطة مندية بشوية ديتول تمسحيهم وتعنيهم ..
افرضى اصبح حالهم لا يسر عدو ولا حبيب تعملى ايه؟؟هاتى بخاخة حطى فيها ديتول وميا وبريل ورشى وامسحى واستخدمى فرشاه سنان ونضفيها.
****
أخطاء الستات فى المطبخ
أخطاء الستات فى المطبخ
حوض المطبخ .
فى ستات لما بتطبخ اى حاجة بتقشرها فى الحوض واى اكياس وارمى فى الحوض اى بقايا خضار فى الحوض
وطبعا الحوض يتسد ويحتاج تسليك .. وتحطى ميا سخنة .. وبعد فترة تجيبى السباك يشفط المواسير .. ليه بس كل الغلبه دى استخدمى صفايه للحوض ، ودايما ضعي صينيه قديمة جنبك قشرى عليها الحاجة اللى بتستخدميها وارمى فيها اى فضلات وبعدها فضيها فى الباسكيت.
****

قد يهمك أيضا |

وصفة لتساقط وتقوية الشعر

وصفة لإزالة الشعر نهائيا من اول مرة كيفية ازالة الشعر

أسهل وسيلة “رخيصة” للتخلّص من الصلع تقوية بُصيلات الشعر وتخليص الرجال من مشكلة الصلع

خلطة فعالة لمعالجة الشعر هايش وناشف و تالف مش هتندمي لو جربتيها

تعرفي على فوائد وأضرار وضع الحناء على الشعر

وصفة سهلة وسريعة للقضاء على هيشان الشعر

الرخامه في المطبخ.
فى ستات للاسف الشديد بتخلى الرخامة عاملة زى السوق عليها جميع انواع المجات والكاسات واطباق الشوربة على اطقم سكاكين ومعالق وصوانى .. ولما تيجى تطبخ الدنيا كلها بتتكربس غير كده بتلاقى كل هذه الاشياء تتسخ وبتبقى ملزقة ..
الحل كفايه طقم التوابل مع المجات وشكراااا على كده باقى الحاجة ضعيها فى تقفيلىة المطبخ لما تحتاجى تستخدميها
****
البوتجاز .
فى ستات بوتجازها اجارك الله كله سواد وحروق واكل لازق وتيجى كل ماتفكر تعمل حملة على مطبخ تحتار وتسال الحقونى بوتجازى كله دهون اعمل ايه ؟!
طب ليه ياحبيبتى التكاليف والتعب ده كله كل يوم بعد الغدا امسحى بوتجازك بمنديل ورق اشفطى اى زيوت فيه وبشوية بريل وكلور هتشوفى وشك فيه ولاتحتاجى حملات نظافة ولامذيبات دهون وكمان تمنعى عنك الحشرات .
****

أخطاء شائعة في سنة أولي مطبخ 

سبت الخضار .
فى ستات مش بتهمله.. عنى تلاقيه دايما مسود وعليه تراب ولازق فيه دهون من المطبخ وتحته تلاقى قشر بصل وتوم ورملة من البطاطس ..
الحل انك فى كل رف تضعى ورق علشان الاغراض اللي فوقه لا تقع ع الرف التحتانى وكمان تمتص الرطوبة
وكمان مينفعش اننا كل حاجة نركنها فيه يعنى مكرونات واكياس دقيق الخ …
لان ارجله مش بتستحمل الضغط فبيتكسر بسرعه.
****
مشاية المطبخ.
يا ريت لا يكون عليها دهون والوان من كتر اللى بيقع عليها وتعملك ريحة غير مستحبه فى المطبخ بسبب الميا والسوايل اللى بتقع عليها..
كل يوم والتانى هويها فى البلكونة وكل اسبوع بشوية بريل ومقشة خشنة وامشى عليها وانشريها علشان تحافظى على ريحة ونظافة مطبخك.
****
أخطاء شائعة في المطبخ تفسد متعة الطهي
تحت الحوض .
ياريت بلاش المناظر المقرفة اللى احيانا بنشوفها والريحة اللى بنشمها والحشرات المنتشره، دايما حافظى على جفاف المكان .. لو حوضك بيسرب صلحيه ودايما تهوى المكان واغسليه بكلور وعقميه ومتخليش فيه اى سوايل .
****
دواليب المطبخ.
ياريت نعتنى بيها شوية مش علشان مدارية تبقى متكربسة ومكتومة وكلها حاجات ليس لها لازمة ولا تستعمل..
لازم كل فترة تفتحيها وتمسحيها بمطهر وتغيرى مفارشها وترمى اى حاجة ملهاش لازمة .
****
حفظ البقوليات .
مينفعش يعنى استخدم نص كيس مكرونة وارمى الكيس فى دولاب المطبخ، وبعدها لسان عصفور وارمى ..
وتلاقى الارفف كلها معكوكة دقيق على مكرونات على حاجات منتهية الصلاحية على نمل على سوس على حشرات
اتعودى تفضى الحجات دى فى برطمانات او جرادل مخصصة لها..
****
الانبوبة .
لازم تتنظف زيها زى البوتجاز ..يعنى مش كل متقلى بطاطس يطرطش زيت على الانبوبة وتمسحى البوتجاز والانبوبة لا
اتعودى دايما تغلفيها لو بقماشة وتمسحيها كل فترة وترشى تحتها مبيد حشرى علشان الصراصير متستخباش فيها
****
شباك المطبخ .
اتعودى كل يوم الصبح تفتحيه وتهوى مطبخك.. بلاش يبقى كله روائح ودهون وغبار ..
****
اظهر المزيد

مقالات ذات صلة

زر الذهاب إلى الأعلى
error: Content is protected !!