رينيه فايلر أسطورة الاهلى الجديد هل يتغلب عل معشق الجماهير الحمراء مانويل جوزية

رينيه فايلر أسطورة الاهلى -مبدئياً موضوع إن حد يبقا جاي بـ Cv متواضع وبعيد عن الأجواء ومش إسم كبير وفي موجه إنتقادات على إختياره في النهاية بيحرج الكل وبينجح شكله صحيح فعلاً وهبدأ أقتنع بيه ..رغم إنه لسه مقدمش أي حاجة أصلاً ولا عمل أي حاجة

-نفس الأسماء دي كانت مع اللي قلبه ، كل ماتش كانوا بينزلوا مفيش حاجة جديدة بيقدموها ، فكر تكتيكي ثابت وخطة محفوظة بتدي فرصة للخصم إنه يقرأها بسهولة ضيعت من الأهلي كتير ف الموسم ده “معندوش مرونة خططية يعني” ، لدرجة إن الخصوم حفظوا الأهلي وطريقته وبقا موضوع تسجيلك للأهداف ده أمر صعب جداً ، تعاني ٩٠ دقيقة علشان جول بالعافية ..

مدرب الأهلي الجديد

-مع ڨايلر الوضع إختلف “كل اللي بيحتاجه أي فريق كبير هو مدرب صاحب فكر مش أكتر” دماغه كلها كرة قدم ، يقدر يقدملك كل الحلول تحت أي ظروف ، يقدر يتعامل بشكل مرن تكتيكياً حسب نوعية الخصوم ، يبقا عنده مرونة داخل الملعب نفسه وتغيير الأدوار بسهولة ، كل ده بيمتلكه ڨايلر، بالإضافة لإنه بيقدر يطور كتير من لاعبيه ، رمضان صبحي من لاعب تاريخه كله مفيهوش جولين ع بعض للاعب بيسجل لتالت ماتش ع التوالي غير إنه بيعمل محاولات ع المرمى ، آجاي من لاعب شبه منتهى تقريباً وكان قريب من الرحيل لآجاي البدايات مع الأهلي .. وغيرهم كتير بدون تفاصيل ..

رينيه فايلر أسطورة الاهلى

-ڨايلر أول ماتش فعلى له كان ضد الزمالك “نزل لعب بشخصية الأهلي اللي كان مفتقدها الفريق” ضغط ومبادرة تسجيل “بالبلدي كده نزل قال للزمالك بخ” الخضة دي كانت ببطولة ..

رمضان صبحى والاحتراف ازاي رمضان صبحي يستفيد من تجربة محمد صلاح

-مع ڨايلر الفريق سجل 19 جول في ٦ ماتشات ، وإستقبل ٣ بس ، منهم ركلتين جزاء بأخطاء ساذجة من لاعبيه .. تدوير الكرة والإستحواذ طول الماتش وسرعة إسترجاع الكرة بقت خيالية .. بالإضافة لإنه بيفرض ضغط هجومي ع الخصم ٩٠ دقيقة وبيسجل في كل أوقات الماتش ، “مبيسجلش جول ويموت عليه” وملحوظة مهمة جداً في ماتش السوبر لولا إصابة قلبي الدفاع ، وركلتين الجزاء اللي إتسبب فيهم أخطاء لاعبين ، تغييراته وقتها كانت هتبقا هجومية ويدوس في الضغط أكتر وده شئ إفتقدناه من أيام مانويل جوزيه ..

-أخيراً شراسة الأهلي الهجومية من البداية ومحاولة قتل الماتش في أول نص ساعة مثلاً مشوفتهاش حقيقي من أيام جوزيه ، البدري بالترتيب ..
-دي كلها عوامل مش من محض الصدفة ، ده نتاج مجهود وشغل وفكر لراجل جاي وعينه فعلاً رايحة لطموح بيُناسب شخصية الأهلي ، الحُكم عليه حالياً هو شئ ملوش علاقة بالمنطق ، لكن كل شئ بيبقا له بوادر ومؤشرات ، ومن أول يوم له في النادي وأنا تفاءلت بوجوده وفعلاً بتمنى مشواره مع النادي يسير بنفس البدايات وان شاء الله خير ..

رينيه فايلر أسطورة الاهلى
رينيه فايلر أسطورة الاهلى

غاب رمضان صبحي أهم وأفضل لاعب في الفريق، وربما في الدوري منذ انطلاقة الموسم عن التشكيل الأساسي.
غاب حمدي فتحي أهم عنصر في وسط الملعب،

والورقة اللي بتغير كل شئ وتعمل التحولات.
اضطر يبدل مركز مهاجمه رقم واحد جونيو اجايي واللي كان بينبي عليه كتير من أفكاره في تفريغ المساحات وخلق الفرص.
غياب وصل لقرابة 40 يوم عن المباريات الرسمية في الدوري العام.

رينيه ڨايلر أسطورة الاهلى

ورغم كل المشاكل دي الأهلي بيفوز بنتيجة مريحة، وبيقدم نفس الأداء اللي كان عليه قبل التوقف.
وده بيعكسلك إن فترة الراحة مكنتش للأنتخة والفسحة والاستمتاع، لكن كان للشغل والتجهيز والتأهب والاستعداد.
لما فقدنا حمدي فتحي فايلر،

مكنش جبان، وأظهر جرأة كبيرة بالدفع بوليد سليمان وقرر يلعب كورة هجومية ويقابل من قدام.

ضغط عالي وتقارب في المسافات وحلول متعددة لكل لاعب بيمتلك الكرة،

وتبادل للادوار في التلت الأخير.
بتوصل للمرمي بسهولة وظهيرين بيشاركوا في الأدوار الهجومية بقوة، والخصم مش قادر يصل لمرماك بأي طريقة.
إيمان فايلر بالكرة الهجومية هو أهم مكسب، وسعيه للتطوير الدائم والتركيز على التفاصيل

هو البناء اللي هيخليك تجني قدام.

مدرب الاهلي الجديد

انا مفيش حاجة بحبها قد قدرة البطل على انه يظهر صفات البطل ودة اللي عمله الأهلي انهاردة.

انك ترجع من المكان اللي انتهيت منه بنفس المستوى والايقاع والدوافع

مقالات ذات صلة

زر الذهاب إلى الأعلى
error: Content is protected !!