رمضان صبحى والاحتراف ازاي رمضان صبحي يستفيد من تجربة محمد صلاح

رمضان صبحى والاحتراف الفترة الجاية رمضان صبحي، هيتعرض لضغوط كبيرة، لأن كل الناس هتعلي سقف طموحه ومطالبها منه.

أكتر حاجة ممكن تمثل عبء على لاعب، أو مدرب، أو فريق، أنك ترفع سقف طموحاتك للسماء، وميكنش عندك مساحة للخطأ.

رمضان باللي قدمه مؤخرًا، وبدوره الاستثنائي في أمم إفريقيا واللي أظهر فيه فوارق كبيرة بينه وبين كل اللاعبين سواء في منتخبنا أو خصومنا، أصبح في حالة مشابهة لانفجار صلاح في الموسم الأول مع ليفربول.

رمضان صبحى والاحتراف

صلاح لما سجل 34 هدف في الدوري الإنجليزي أول موسم، الناس بقت بتتعامل معاه كونه سبايدر مان، لما يغيب ماتش عن التهديف، يتضايقوا، ولما يبقوا ماتشين ينتقدوا، ولو وصل الأمر لتلات مباريات قالوا عنه لاعب الموسم الواحد، ولما كان بعيد عن صراع الهداف في البريميرليج قبل نهاية الموسم بوقت قليل، حملات تشكيك طعنته.

شاهد ايضا ...فضيحة مرتضى منصور حقيقة فيديو مرتضي بسكلتة

صلاح وقتها موقعش، ومتراجعش، ومتعبش، الفارق إنك أنت اللي عليت سقف الطموح والمطلوب من صلاح بشكل مبالغ، هو مش هيسجل كل موسم 34 هدف في الدوري، لأن مش ده الطبيعي، زي ما ميسي سجل مرة واحدة بس 91 هدف في موسم ومكررهاش رغم أننا كلنا بنجمع أنه لاعب فضائي.

كمان صلاح طريقة لعب الخصوم قدامه اتغيرت، لما نضج وانفجر والناس أخدت بالها منه بقى في رقابة وحصار وتركيز شديد من المدافعين والمدربين علي مضايقته وخنق المساحات قدامه.

الفترة الجاية متستبعدوش رمضان يتعرض لكل التفاصيل دي، لو مقدمش 20 مراوغة وسجل وصنع في كل مباراة،

أو اتنين هتلاقوا أصوات شاذة تقولك مش قولنالكم هيقع، ده كانت حلاوة روح.

شاهد ايضا ….فايلر يطلب رحيل نجم الاهلي ويحسم أمر التعاقد مع كهربا خلال ساعات

بلاش تحاصروا بمطالب كبيرة، واصلو دعمه بذكاء ووعي، استنوا على أخطائه، وتحملوا أي قصور ممكن يحصل وهيتجاوزو بوعيكم ودعمكم.طبيعي الأهلي وأي فريق في العالم بيمر بمنحنيات شوية بيعلى وشوية ينزل على مدار الموسم

بحسب الحالة البدنية والإصابات وظروف الخصوم، وطبيعة أخطاء التحكيم، ومعاها لازم تاخد بالك من

ده وتكون واعى إن رمضان مش بيتراجع ولا بيتعطل ولا في فرق بين رمضان المنتخب الأوليمبي ورمضان الأهلي.