رعب في قصر البارون

اشباح قصر البارون

رعب في قصر البارون

رعب في قصر البارون في ١٩٨٠ قصر البارون بدأ يظهر منه دخان كتير جدا وبعد دقائق النار بقت موجودة في شرف القصر.. واستمرت دقائق لحد ما انطفأت فجأة من غير تدخل اي حد!!

طيب قبل ما اتكلم في اي حاجة تخص القصر في شوية معلومات لازم تفهمها عن مالك القصر “البارون إمبان”

بلجيكي الجنسية.. مهندس، ظابط في الجيش، بيجمع المال بموهبة مش طبيعية.. المعنى الحقيقي لكلمة ثري،

ده غير أن هو اقتصادي شاطر جدا.. وعلى ايده هو وأخوه تم إنشاء اهم المشاريع على ايدهم زي السكك الحديدية والمترو في فرنسا وده كان من الأسباب اللي خلي حاكم فرنسا يطلق عليه لقب البارون..
وكان عنده هواية السفر حول العالم وممكن نقول ان الهواية دي كانت سبب لكل حاجة في حياته..

لحد ما وصل مصر وقع في حبها بطريقة مش مفهومة لدرجة ان هو كتب في وصيته ان هو عاوز يدفن في مصر حتى لو مات برا مصر..

فيديو قصر البارون

نيجي بقى لبداية المصيبة.. الراجل ده لما وصل مصر قرر ان هو يعمل قصر العالم كله يتكلم عليه بس الغريب ان هو اختار صحراء علشان يبني عليها!!

بس بحكم ان هو اقتصادي قبل أي حاجة فهو كان فاهم بيعمل ايه.. وبرر موقفه وقتها ان هو يكون في مكان وسطى بين القاهرة والسويس..
بس كان عنده مشكلة في التنفيذ ومش عارف يختار حاجة مميزة لحد ما كان في يوم في احد المتاحف

ووقعت عينه على تصميم غريب وهو خليط من مبني انكور وات في كمبوديا ومعابد اوريسا الهندوسية

ولعشقه للهند و ان هو كان بيعتبر ان الهنود ليهم فضل عليه بعد ما نجدوه من الموت في مرضه كان حريص جدا

أن البناء يكون فيه طراز هندي..

المهم البارون اشتري التصميم من صاحبه وهو ألكسندر مارسيل واكتمل البناء عام ١٩١١..
القصر كان على قمته برج بيلف بانتظام مع حركة الشمس علشان الشمس ماتغبش عنه..

بصراحة الفضول جوايا اكتر من مرة يستغرب من الجزء ده من القصة.. هل البارون كان خايف من حاجة ليه حرص على تواجد الشمس دايما بصراحة مش عارف استنتج اي سبب..

اسرار قصر البارون

المهم.. بعد الحرب العالمية الأولي اصيب البارون بالصرع ونتيجة إصابة حرب بقى اعرج..
البارون كان الطابع العسكري غالب جدا عنده وكان قوي جدا لدرجة ان هو كان لما يجيلوا نوبات صرع في حديقة القصر كان ماحدش من الشغالين يقرب منه لحد ما يفوق تاني يوم وجنبه الكلب بتاعه..

وكان تصرف الشغالين نابع من أوامر صارمة منه أن ماحدش يقرب منه ايا كان الوضع اللي هو فيه غير بأمر منه

وبصراحة ده امر مريب بالنسبالي ده غير الطاعة الزيادة من الشغالين بس دي لها مبرر ان هما خايفين يخسروا شغلهم..

بس اللي مالهوش مبرر ازاي شخص كل مرة يقدر يقوم بعد نوبات صرع بدون اي مساعدة مع العلم ان اغلبهم بتبقى قوية جدا لدرجة ان بعض الشغالين كانوا بيخافوا من شكله..

كل حاجة اتغيرت.. بعد قتل اخت البارون..

رعب في قصر البارون

البارونة “هيلانة” اخت البارون.. في يوم البارون كان قاعد في البرج الدائر ومع التفاف البرج عكس اتجاه القصر..

البارون سمع صوت صريخ عالي جدا كان مصدره اخته والبرج عطل عن الحركة وده اللي خلي البارون ياخد مسافة أطول علشان يوصل لأوضة اخته لحد ما وصل بس للأسف كانت ماتت..
بصراحة انا مش قادر افهم وليه التاريخ صنفها قتل.. طيب ليه هي فضلت تصرخ وقت طويل معنى كدة ان هي ماوقعتش

غصب عنها لان وقتها ماكنتش هاتلحق تصوت غير ثواني قبل ما تصطدم بالأرض..
من بعد الحادثة كل حاجة اتغيرت وبدأ الناس يربطوا كل حاجة ببعضها واول حاجة كانت الأوضة اللي منع البارون

اي حد ان هو يدخلها حتى اخته..

كل المعروف عن الأوضة دي ان هي فيها باب تاني بيودي السرداب الموجود تحت القصر اللي كان بيستخدوا البارون

علشان يوصل لكنيسة البازليك ودي الكنيسة اللي مدفون البارون فيها حاليا..

اشباح قصر البارون

بعض الأقاويل بتقول ان هما كانوا بيسمعوا صوت خناق بينه وبين ست اللي قدروا يميزوا صوتها وهي اخته هيلانة..

و ده كان بعد موتها!
وفسروا ده وقتها ان البارون قدر ان هو يحضر روح اخته علشان يعتذرلها لأن هو كان شايف ان هو اتأخر في انقاذها..
وزادت الأقاويل لما شغالة من الشغالات دخلوا أوضة هيلانة ولقوها ملطخة بالدم والرسومات الغريبة

ومن خضتها قفلت الباب وجرت..

واقاويل تانية ان هما كانوا بيسمعوا نفس صوت الصراخ اللي اصدرته هيلانة وقت موتها..والغريب اكتر ان من ساعة موت

هيلانة البرج ماتحركش تاني!!
البارون كان حزين جدا وعامض ودايما ساكت..
لحد ما مات في يوليو ١٩٢٩ في بلجيكا وفعلا حسب رغبته اتدفن في مصر..

رعب في قصر البارون
رعب في قصر البارون

بس علامات الرعب ماوقفتش وكان أبرزها في ١٩٨٠وهي ظهور دخان اسود كثيف بيخرج من شرف القصر وساحته وبعد بدقائق بدأت النار تشتعل وبعدها بدقائق تانية كل حاجة اتطفت!!
ده غير اثاث القصر اللي بيتحرك بأستمرار مع بداية غياب الشمس وده على حسب كلام حراس المنازل المجاورة..

والنور اللي بيطفي ويولع بأستمرار.
كل ده كلام وشهود واقاويل لكن لو هانتكلم عن حاجة ملموسة فعلا فهي تأسيس القصر وغموضه

وغموض صاحبه اللي يستاهل ان احنا نبحث اكتر من كدة في أمره

زر الذهاب إلى الأعلى
error: Content is protected !!