أخبار رياضيه

وليد سليمان عاشق الاهلى أسطورة جديدة من أساطير النادى الاهلى

وليد سليمان عاشق الاهلى أسطورة جديدة من أساطير النادى الاهلى  لما كان في بتروجيت كان هيموت ويلعب للأهلي.
ولما إنبي ضاعفله راتبه وقاله هنديك أكتر من الأهلي بقرار من الوزير، رفض ومر بظروف صحية سيئة جدًا من الحزن والتمرد على ناديه، لحد اتنقل المسشتفي والأزمة تضاعفت وبعدها حقق حلمه بالإنضمام إلى الأهلي.
من أول يوم له في الفريق لاعب مؤثر جدًا، في وجود النجوم جواره وفي غيابهم، عمره ما جهده قل، ولا عطائه انخفض.
بيدافع ويقاتل بكل طاقته ومبيبخلش علي فريقه عشان يوفر جهد للتلت الأخير زي لاعبين كتير.
في وجود تريكة جواره قدم وليد سليمان مباريات خرافية، ومع جدو والسعيد في انطلاقتهم عطونا واحدة من أجمل بطولات إفريقيا.

وليد سليمان عاشق الاهلى

ولما الناس دي كلها خلصت وغيرهم طاروا، فضلنا وليد سليمان يزرع بروحه معني حب الأهلي.

مسمعناش يوم تمرده، ولا قرينا خبر رفضه التجديد، ولا راوغ في أي مرحلة من المراحل بالاحتراف أو اللعب في الخليج.

اتظلم كتير بعدم الانضمام للمنتخب، ورغم اجماع كل مشجع مصري على أحقيته بالتواجد في المنتخب عمره ما اعترض ولا طلع في قناة أو صحيفة أو موقع يشتكي.

لعب يمين وشمال وتحت وفوق وفي نص الملعب وبالتلت الأخير والتلت الأمامي، سجل كتير أوي وصنع أكتر، متعنا بأهداف خيالية وتسديدات ومراوغات وذكريات عمرها ما تتنسي.

رينيه فايلر أسطورة الاهلى الجديد هل يتغلب عل معشق الجماهير الحمراء مانويل جوزية

لما السعيد باع الأهلي كان هو الحل واللي شال الليلة رغم تقدم سنه لكنه قاتل ومبخلش لحظة

وتحمل كل الانتقادات رغم إن الشيلة كانت تقيلة عليه.

لوما قعد بديل عمره ما كشر ولا كانت تعبيرات وشه غاضبة ولا شوح ولا ألقى قميص ولا نطق بكلمة،

وليد سليمان بأخلاقيته وروحه ومشواره ومواقفه يخليك تقول إن ده اللاعب اللي ملوش بديل بجد.

فايلر ودورة فى أكتشاف وليد سليمان مرة أخرى

وليد سليمان بيسجل هدفه الرابع في الدوري عشان يبقى على بعد هدف واحد من نادي الزمالك اللي سجل ٥ اهداف في ٤ مباريات طبعا الأهلي بعيد عن المقارنة دي لانه سجل ١٤ هدف.

اهم حاجة لازم تفكر فيها هو ازاي فايلر اتغلب على غياب حمدي فتحي ؟ .

الاجابة هي الكثافة الهجومية اني اجبر الخصم هو اللي يدافع. الاهلي استحوذ على الكرة ٦١ % مقابل ٣٩ % للجونة . بتنجح في تمرير ٥٢٨ تمريرة مقابل ٣٣٠ تمرير للجونه

ودي حاجات في كرة القدم صعبة جدا على ملعب الجونة . بتعمل ٢١ محاولة على مرمى الجونة مقابل ٦ للجونة.

كمان فايلر رجع قفشة على الدايرة جنب السولية بس النتيجة كانت مبهرة قفشة

بيكون اكتر لاعب في الاهلي بيستخلص الكرة ١٥ مرة اكتر من السولية وربيعة اللي نجح كل واحد ١٤ مرة .

وليد سليمان عاشق الاهلى
وليد سليمان عاشق الاهلى
حسين الشحات

بيواصل رقم مرعب بتسجيله هدف وصناعته هدف انهاردة. بيوصل ل ١٧ هدف شارك فيهم اخر ٧٤٩ دقيقة

سجل ١٠ وصنع ٧ بمعدل مشاركة في ٢.٠٤ هدف كل ٩٠ دقيقة .

كمان الشحات دقة تمريراته الارضية ٩٢ % ٣٥ تمريرة صحيحة من ٣٨ و ٤ محاولات على المرمى

و ٦ مراوغات منهم ٤ ناجحة دة اللي بيتقال علية شئ كبير يا عمري شئ كبير

وليد سليمان مش بس Man of the match عشان الهاتريك انما عشان معدل جري استثنائي وهو ٣٤ سنة

بيجري حوالي ٨ كيلو متر في ٦٦ دقيقة و وبيستخلص الكرة ١٠ مرات وبيعمل اعلى معدل للتمريرات الامامية للاعب في الاهلي

في المباراة ٤٦ % من تمريراته امامية مقابل ٢٩ للخلف و ٢٥ % جانبية . وليد بيدي رسالة لاي لاعب في الاهلي محتاج تعمل ايه عشان تلعب وتعمل تاريخ

اخيرا لبتوع المؤامرات واين هو الغل الكروي. دي كانت اقصى حاجة عند الجونة زى ما دي كانت اقصى حاجة عند اسوان لما خسر ٥ زي ما دي كانت اقصى حاجة عندك لما شيلت مننا ٣ في السوبر

ولما كنت عاجز تكسب نادي مصر انا لو مكانك اشكر الجونة لانها انقذتك من فضيحة لو مواجهتك معانا متاجلتش.

 

 

اظهر المزيد

مقالات ذات صلة

زر الذهاب إلى الأعلى
error: Content is protected !!