الاقتصاد والمال والاعمال

كيفية فتح ملف ضريبى لمستخدمى اليويتوب والمواقع الالكترونية

كيفية فتح ملف ضريبى لمستخدمى اليويتوب والمواقع الالكترونية ، في خطوة مفاجئة من الحكومة المصرية أعلنت بانها سوف تقوم بمحاسبة جميع أصحاب المواقع اللالكترونية واعلنت مصلحة الضرائب المصرية عن هذا القرار بعد الارباح الهائلة لليوتيوبر المصرى
واصحاب القنوات على اليوتيوب وتحصيل الضرائب من هذة التجارة اللالكترونية .كيفية ربح 1000 جنية يوميا

اولاً عشان افتح ملف ضريبي محتاج ايه ؟


محتاج بطاقتك و عقد ايجار او ملكية المكان اللى انت فيه
، ولو ساكن ف بيت عيله نفس عنوان بطاقتك بتجيب عقد ملكية والدك عادي .

المحاسبة علي الفترة السابقه لم احتفظ باي فواتير

الموظف قالى بطريقه غير مباشرة وقت تسجيلك للاقرار الضريبي خليه
هو وقت بداية نشاطك التجاري ف تبقى هي دي بداية المحاسبة. يعني اعتبر اللى فات مات.

تسجيل المصروفات الغير قابله للفوترة

بتعمل حاجة اسمها إيصال صرف علي شيت اكسيل مثلا ، وتحط فيه انت صرفت كذا بتاريخ كذا للشخص الفلاني
مقابل كتابة محتوي مثلا وبترفق سكرين شوت من تحويل فودافون كاش مثلا للشخص دا .

ضريبه القيمة المضافة

قالى لو ايرادتك تخطيت نص مليون بتسجل فيها ، قولتلو افتراضا اني تخطيت المبلغ دا ، ضريبة القيمة المضافة بيتم تحميلها للمستهلك مش انا اللى بدفعها وانا معنديش مستهلك انا بصنع محتوي فقط ،
قالى ف الحالة دي هما نزلو القرار ولسه مظبطوش البنود الخاصه بالجزئية دي ولكن لو عايز تخلص منها هتروح مركز ادارة فتاوي البحوث و الاعفاءات الضريبية في اوتوستراد المعادي مبني المحمودية ،
وتقولهم انا وضعي ايه وانا معنديش مستهلك احملو الضريبه دي ، وهو يوضحلك وضعك او يديلك اعفاء منها.

القصة بتمشي ازاي

بعد ما تفتح ملف ضريبي خلال شهر او شهرين بيكلموك تيجي تستلم الملف الضريبي وتبتدي تسجل ف الموقع الالكتروني كممول جديد
وتبتدي تقدم الاقرار الضريبي اللى بيكون ف هيئة بنود فقط ،
مصروفات 1 2 3 4 ، ايرادات 1 2 3 4 ، بدون اي مستندات او اي حاجة .
كيفية فتح ملف ضريبى لمستخدمى اليويتوب والمواقع الالكترونية
كيفية فتح ملف ضريبى لمستخدمى اليويتوب والمواقع الالكترونية

طيب المستندات دي لزمتها ايه؟

بيتم عمل مراجعة ضريبية من مصلحة الضرايب بيقولك اثبتلي بقى ان ارقامك دي سليمة ومظبوطة ، بتجيب كل المستندات بتاعتك اللى تثبت الارقام دي وتقدمها.
دي المعلومات اللى وصلتلها ، و إن شاء الله هبتدي ابحث اكتر ف الحوار ،
عشان نخلص من القرف دا بدال ما يفاجئونا مرة واحدة ان مفيش استلام بدون ملف ضريبي ،
والملف اصلا بياخد شهر او شهرين عشان يبقى جاهز.

اظهر المزيد

مقالات ذات صلة

زر الذهاب إلى الأعلى
error: Content is protected !!