اخبارمصر

كيفية مواجهة سد النهضة بطريقة علمية بدون الحل العسكري

شوفوا عبقرية احد الشباب المهندسين في مصر كيف أعد خطة ضد الاتيوبيين عن بناء سد النهضة الذي سيتسبب في عطش مصر !!!!!!! :

معضلة سد النهضه:-

السد ده تسيبه يتبني… يعطشك , توقعه … يغرقك ,
ودي تجيبها يمين تجيبها شمال مالهاش حل , غير انها خباثة ولؤم إثيوبي صهيوني علي أبوه.
طيب نعمل اية ؟؟؟
مكان سد النهضه علي بعد 18 كم من الحدود االإثيوبية السودانية , الدائرة الزرقاء الصغيره اللي في الصورة. أضرار بناء سد النهضة على مصر والاثار المترتبة على بناء سد النهضة الاثيوبي

بص يا معلم فكر الأسايطه 😂😂
خد عندك😉😉
بيقولك قال السد عاملينه علشان توليد الكهرباء ,قال كهرباء يا شياطين يا ولاد الكلب 🐕 🐕
بما ان السد ده تهديد مباشر لمصر والسودان , انا شايف ان الحل التفاوضي هبل وتضيع وقت والحل العسكري هيحط مصر في حسابات وعقوبات دوليه مالهاش أول من اخر .
يبقي نعمل ايه ؟
من كرم ربك يا مؤمن ان السد اتعمل في المكان ده ,أه والله تخيل , ليه بقي ؟
السد ده في حال انهياره يمثل تهديد مباشر للسودان أولا ولمصر ثانياً ,
ف فيها ايه لو السودان نخليها تبني سد هي كمان, تيجي داخل حدودها ب اتنين كيلومتَر ، في نفس طبيعة المكان وتضاريسه والجغرافيا بتاعت المنطقة اللي فيها سد النهضه بنفس المنسوب والارتفاع , وده يكون بالتعاون والتنسيق وحتي التمويل والتأمين مع مصر ,
سد كبير كده ولا السد العالي ,
شايف الخط الاحمر اللي في الصوره , ايوه هو ده , أن أن أأأأه .

إزاي بقي, ايه الفتي ده ؟
هو إحنا قادرين علي سد واحد لما يبقوا أتنين ؟🤔
فكر فيها كده , لو السودان قدرت تبني سد داخل حدودها وابتدت فيه من دلوقتي , تاثير السد الجديد ده هيكون ايه علي سد النهضه, خصوصاً إن المسافة بينهم عشرين كم بس ؟؟

بناء سد لمواجهة سد النهضة

أولا الخزان بتاع السد االجديد هيمتد من الأراضي السودانيه الي داخل الأراضي الإثيوبية, في المساحة المحدودة دي بين السدين , وده سهل جدا يمتلئ بسرعه وفي فتره قياسيه لو احنا مستعجلين ، او بالراحه خالص وعلي مهلنا ، وتخزين المياه فيه لدرجة أنه ممكن المياه بتاعته لما يعلي منسوبها شويه شويه , سد النهضه هيغرق حرفياً 🤔 وميبقالوش اي تلاتين لازمه , ويعوم تحت المياه .

وساعتها هيبقي وجود سد النهضه زي عدمه ,

ولا حتي هيقدر يولد بربع جنيه كهرباء نظرا لارتفاع منسوب المياه علي الجانبين بسبب السد السوداني الجديد .
وبكده تبقي علي الاقل أمنت نفسك من خطر انهيار سد النهضه اولا وبقيت انت والسودان المتحكمين في المياه ثانياً,
كأنك نقلت سد النهضه هيلا بيلا من اثيوبيا وحطيته في السودان ,

بالبلدي كده سحبت المحبس من داخل الاراضي الاثيوبيه الي داخل الأراضي السودانية ,

والأوقع بقي إنك مجرد ما هتعلن عن البدء في إنشاء السد ده , هتعطل الانشاءات في السد الأثيوبي , ببساطه لأنك هتغرقهم ,
وحقك يا معلم وكله بالقانون , مهي برضه السودان ومن حقها تعمل مشاريع تنموية وتولد كهرباء وهي كمان 😉😂
وساعتها نجيب تلات كراسي وترابيزه حلوه وبراد شاي بالنعناع ,

ونحكي من أول وجديد ونتفق ,
ويا نعيش عيشه فل , يا نموت إحنا الكل 😂
وهي حاجه من إتنين إما نبني السد السوداني ونغرق النهضة ونص اثيوبيا اللي هي أصلا غرقانه خلقه ,
وساعتها مش هيفرق مع مصر سد من سدين ,

سد النهضة
سد النهضة

لكن هيفرق ان المتحكم هيبقي اخواتنا السودانيين مش الإثيوبيين ولاد الصرمه ,وكله بالأدب , عايزين تعطشونا إحنا بقي هنغرقهولكم منه فيه😉
أو كفي الله المؤمنين القتال و مفيش حاجه تتبني ,

ونخلي الرفال في كرتونتها زي ماهي وحبايب علي كده 💕💕

..
حد يوصل الفكرة للبهايم اللي مساكين الملف ده , واي استشاره عنوان الديلر بتاعي معروف 😂😂
..ِ
الهدف من الفكرة إنك لازم تجبر الإثيوبين أنهم يرضخوا للتفاوض بأساليب هما نفسهم مايتوقعوهاش , لأنهم عاملين حسابهم علي كل الاحتمالات اللي التفكير العادي بيفكر فيها, والمماطله لمصلحتهم وعامل الوقت ضدنا .

كيفية التغلب على مشكلة السد

بالمناسبة , اثيوبيا دوله حبيسه , ومعندهاش اي منفذ تصرف منه اي مياه زياده , ف لو فكرت تمنع المياه عنك , بكره الصبح أرضها هتبقي عامله زي البانيو المليان لاخره , وده لان المياه بتجري من الجنوب للشمال ,
هي عايزه تتحكم مش تمنع , وانت بالطريقة دي هتمنعها من ده .
– الأخ اللي بيقول السودان مش هتوافق , إديني بس انت حبة صلاحيات وإبعد عني الإعلام المصري , وأنا اخليلك الشعب السوداني كله يطلع يبني السد الجديد من بكره الصبح وباقتناع كمان, وتأمين وتمويل السد الجديد يكون باتفاقيات ومواثيق مكتوبه ومعلنه مع الحكومه السودانية , وساعتها اي تعرض للسد الجديد يبقي جنت علي نفسها براقش وانت معاك حق الرد والدفاع طبقا للقانون الدولي اللي ساعتها هيبقي معاك مش عليك .
التفاوض والمصالح فن مش عن عن 😉

اظهر المزيد

مقالات ذات صلة

زر الذهاب إلى الأعلى
error: Content is protected !!