اخبارمصر

حملة تطعيم الحصبة من عمر 9 شهور الى 5 سنوات

حملة تطعيم الحصبة لو عندك أطفال بين ٩ شهور و ٦ سنين يبقى البوست ده متفصل✂️على مقاسك👗….

📢 وزارة الصحة والسكان اعلنت عن الإستعداد لحملة قومية للتطعيم ضد الحصبة والحصبة الألمانية…. ومتوقع تبدأ خلال شهر نوفمبر فى اقاويل النصف الثانى من الشهر ولمدة ٣ أسابيع….

حملة تطعيم الحصبه مصر 2019

الحملة دى لتطعيم الأطفال المصريين🇪🇬 وغير المصريين👧

المتواجدين بمصر فى الفترة دى بداية من سن ٩ أشهر وحتى ٦ سنوات في جميع المحافظات ماعدا المحافظات الحدودية حتي ١٠ سنوات…

هنجاوب هنا على كل الاسئلة🤷🏻‍♀️ اللى ممكن تيجى فى بالكم علشان تكونوا متطمنين وأنتم بتطعموا عيالكم😍…

⚠️هو لازم يعنى التطعيم ده؟

ايوة… التطعيم مهم جداااا👍 ولازم تديه لطفلك حتي لو اتطعم قبل كده كل تطعيماته.

⚠️أيه أهميته بقى تطعيم الحملة ده؟

التطعيم ده مهم جدا علشان مناعة طفلك🛡 بالاضافة أن تطعيم جميع الاطفال في فترة زمنية محددة ده يعتبر نوع من أنواع مكافحة إنتشار الفيروس بين الاطفال في البلد👥.

⚠️طب ابني متطعم فى الصحة قريب ينفع أطعمه في الحملة دي ولا لأ؟

– لازم تستني مرور مدة لا تقل عن ٤ أسابيع بينه وبين اى تطعيم فى الصحة.

⚠️هعجزك اهو…  طيب لو أبني خد تطعيم الحصبة فى الصحة قريب …. ينفع أطعمة في الحملة دي كمان؟

– لو هيبقى الفرق بين التطعيمين ٤ اسابيع او اكتر زى ما قولنا يتطعم عادى… وزى ما قولنا مدة الحملة ٣ اسابيع… يعنى المعظم هيلحق ان شاء الله…

⚠️طب لو طفلى واخد تطعيم خارجى؟

– لو تطعيم الجديرى المائى لازم برضه فرق ٤ اسابيع على الاقل بين التطعيمين…
– ولو المكورات او السحائى يتطعم فى اى وقت عادى مش لازم فرق بين التطعيمين…

⚠️طب فيه موانع للتطعيم ده؟🙅🏻‍♀️

بصي يا عسل #موانع_التطعيم كالتالى:
❌طفل أصيب بالحصبة من أقل من شهر.
❌طفل خد تطعيم الحصبة وعمل له حساسية.
❌ طفل بيتعالج بالكورتيزون بقاله اكتر من اسبوع.
❌ طفل بياخد أدوية مثبطة للمناعة.
❌ طفل عنده أمراض نقص المناعة زي مرض نقص المناعة المكتسبة أو سرطان الدم.

⚠️سمعنا إشاعات📢

عن التطعيم ده علي الفيس بوك والسوشيال ميديا كلها مليانه كلام بيشكك في الحملة دي … ايه رأيك في الكلام ده ؟؟

– بصي يا ست الكل ,التطعيم زى الفل وفرته وزارة الصحة والسكان فى مصر🇪🇬 بالتعاون مع منظمة الصحة العالمية🌐 يعني اتوفر من مصادر معتمده… بالاضافة أن وزارة الصحة فحصت عينات منه من خلال عده جهات للتأكد من سلامته بالاضافة إلي أن الحقنة الي هيتطعم بيها طفلك غير قابلة للاستخدام مرة تانية يعني هتترمي ومحدش تاني هيتشك بيها.

حملة تطعيم الحصبة
حملة تطعيم الحصبة

⚠️طب إيه هي اماكن التطعيم؟

– الوحدات الصحية، القوافل الطبية، ومكاتب الصحة، والحضانات والمدارس…
وخلى بالك الحملة دى مش هتلف على البيوت❌🏘 زى حملة شلل الاطفال…

⚠️هل في أعراض جانبية للتطعيم ده بتاع الحملة يعني؟

– اعراض بسيطة جدا زي الي بتحصل في أي تطعيم زى أحمرار مكان الحقنة أو ارتفاع بسيط في درجة الحرارة !!
بس متنساش ان الاعراض الجانبية البسيطة دي متجيش حاجه جمب مخاطر عدم تطعيم طفلك ضد الامراض اللى بيحمى منها التطعيم!!

⚠️ ابني عيان يا كتور هو ينفع أطعمه وهو عيان؟

– حسب شدة الاعراض لو تعب شديد يتم تأجيل التطعيم

اظهر المزيد

مقالات ذات صلة

زر الذهاب إلى الأعلى
error: Content is protected !!